Tabakalera proiektu kulturalaren ibilbidean mugarri izan diren gertaerak, 2005etik hona eginiko programa kultural osoa eta Tabakalerarekin batera aritu diren eragileen inguruko informazioa bateratuta aurkituko duzu. Guztia dokumentatua geratu da eta gertaera horiek denak jasoak daude bertan.
Arteleku genero artistiko ezberdinen esperimentaziora, praktikara eta produkziora bideratutako arte eta kultura zentroa izan zen (1987-2014). Argitalpenak katalogoan eta Zehar aldizkarian ez ezik, proiektuaren barruan gertatutakoak jasota daude bertan eta, ahal izan zen neurrian, horien dokumentazioa ere.
2016an Donostia Europako Kultur hiriburua izan zen (DSS2016). Kultura hiriburutza Europar Batasunaren ekimen bat da eta helburutzat du Europako herri ezberdinen arteko gerturatzea eta elkartrukea sustatzea. Ekimen honen barruan antolatutako kultur programaren informazioa eta jasotako dokumentazioa jasota dago funts honetan.
Bildumak Gai edo jakintza-arlo bati buruzko informazio eta edukiakULERTU DUT
XedeakGai bat lagun edo gogoetatzeko antolatzen den egitasmo nagusiaULERTU DUT
Ekintzak Erakunde edo proiektu batek antolatzen eta programatzen dituen aktibitateakULERTU DUT
Topalekuak
Erakusketa2024 Eka 21 - 2024 Urr 06
Eduardo Chillidaren lanaren irakurketa egin asmo duen erakusketa, praktika artistiko garaikdietik abiatuta.
“Bada ezagutzeko modu bat, ezagutza deitzen diogun horren aurrekoa, gauza bat nolakoa den jakin gabe hura ezagutzea posible egiten duena. Ezagutza modu hori hain da irekia, askotariko formak onartzen baititu, nahiz eta horregatik oraindik ez jakin nolakoa den.
Aurre-ezagutza edo lurrin hori dut gidari ezezaguna den horretan, desiratua den horretan, beharrezkoa den horretan barrena. Inoiz ez naiz harekin a priori eztabaidan aritzen, eta inoiz ez diot a posteriori harekin eztabaidan aritzeari uzten.”
Eduardo Chillida
Erakusketa honek Eduardo Chillidaren lanaren irakurketa egin asmo du, praktika artistiko garaikidetik abiatuta. Bere helburua testuinguru bat sortzea da, honako honen inguruan hausnartzeko: intuizioaren inguruan, bilaketa lanerako elementutzat hartuta, tokiarekiko loturaren inguruan, eta beste ezagutza modu sentikor eta sentsorialago batzuen inguruan, lan-metodologiatzat hartuta. Proiektu honetan Chillidaren obra eta idatziak abiapuntu bihurtzen dira elkarrizketarako, hausnarketa zabalagoei bide emateko “mundua sortzeko” moduaren inguruan.
Erakusketa honen izenburuak esanahi bikoitza du: alde batetik, 1964 eta 1974 artean sortutako Topalekua seriari egiten dio aipamen, hormigoizko eraikuntza eseki handiei, alegia. Horietan, uraren mugimenduaren inguruan jardun zuen hausnarketan Chillidak, latsarri zaharren arkitekturatik abiatuta. Eta, aldi berean, intuizioa ziurtasun bilakatzen den uneari egiten dio aipamen, Chillidak berak honela definitua: ideiekin “topaketak”.
Topalekuak erakusketako lanak ez dira ondare baten erakusgarri soilak; horren ordez, galderak egiten dituzte, espazioak sortzen dituzte, eta adi entzuten diote unibertsoari, inguratzen dituzten munduarekin konexioan beste erantzun posible batzuk imajinatuz.