POV (2024)

Utopia digitalei eskainiko diegu saio hau, POV topaketako parte-hartzaileek aukeratutako gaiari.

Mendebaldeko teknologia-enpresa handien jabeek beren produktuek eragingo duten inpaktuari buruz igortzen dituzten zoritxarreko mezuen aurrean, POVen ikuspuntu alternatiboak partekatuko ditugu; beste errealitate posible batzuei buruz hitz egingo dugu, etorkizun baikorra eskaintzeko, ezinezkoa eta sinplifikatua badirudi ere.

Irailak 19 – Utopia digitalak II

Udako atsedenaldiaren aurreko POVen azken saioan, utopia digitalak eraikitzeko erabiltzen diren ideiak aztertu genituen. Irailean abiatuko dugun denboraldi berri honetan, teknologiak zeharkatutako agertoki utopiko horiei buruz hitz egiten jarraituko dugu, baina, oraingoan, elkarrizketa adibide zehatzetan zentratuko dugu. Alderdi distopiko haundi edo txikiagoak dituzten agertoki historikoak eta espekulatiboak partekatuko ditugu, bideragarriak izan daitezkeen edo ez aztertzen dugun bitartean.

Zatoz uda osteko POV topaketaren lehen saiora digitaltasunaren inguruko irudipen positiboei hitz egitera.

Azaroak 14 - Heriotza digitala

Topaketa honetan digitaltasunaren eta bizitzaren amaieraren arteko harreman arraro, aberats eta askotarikoaz hitz egingo dugu. Bideojoko askotan, adibidez, heriotza bere mekanikaren beste elementu bat izaten da, eta berriz jaiotzea ahalbidetzen du aurrera egiten jarraitzeko. Interneten, ordea, atzean uzten dugun datuen arrastoa aldare birtual bihur daiteke sare sozialetan, buruhauste izan daiteke senide eta lagunentzat, edo adimen artifizial monetizatuaren eredu bat ere izan daiteke.

Saio honetan, digitaltasunak heriotza, dolua, memoria, heriotzaren ondorengo bizitza edo birjaiotzea bezalako gai garrantzitsuei nola eragiten dien eta nola eraldatzen dituen erakusten duten adibideak, ideiak eta iritziak trukatuko ditugu.