Tabakalera proiektu kulturalaren ibilbidean mugarri izan diren gertaerak, 2005etik hona eginiko programa kultural osoa eta Tabakalerarekin batera aritu diren eragileen inguruko informazioa bateratuta aurkituko duzu. Guztia dokumentatua geratu da eta gertaera horiek denak jasoak daude bertan.
Arteleku genero artistiko ezberdinen esperimentaziora, praktikara eta produkziora bideratutako arte eta kultura zentroa izan zen (1987-2014). Argitalpenak katalogoan eta Zehar aldizkarian ez ezik, proiektuaren barruan gertatutakoak jasota daude bertan eta, ahal izan zen neurrian, horien dokumentazioa ere.
2016an Donostia Europako Kultur hiriburua izan zen (DSS2016). Kultura hiriburutza Europar Batasunaren ekimen bat da eta helburutzat du Europako herri ezberdinen arteko gerturatzea eta elkartrukea sustatzea. Ekimen honen barruan antolatutako kultur programaren informazioa eta jasotako dokumentazioa jasota dago funts honetan.
Bildumak Gai edo jakintza-arlo bati buruzko informazio eta edukiakULERTU DUT
XedeakGai bat lagun edo gogoetatzeko antolatzen den egitasmo nagusiaULERTU DUT
Ekintzak Erakunde edo proiektu batek antolatzen eta programatzen dituen aktibitateakULERTU DUT
Sibina. Laia Estruch
Performance2024 Eka 20
Sibina proiektua praktika eszeniko esperimental gisa planteatzen da. Obra irekia da, eta uraren gorputzaren eta gure gorputzaren arteko zuzeneko erlazioaren bidez sor ditzakegun ahots-praktikei buruzko soinu-ikerketa bat egiten du.
Sibina proiektuak jendearentzat zabalik dagoen laborategi bat proposatzen du, bertan ahotsak uretan eta uretatik kanpo okupatu eta igaro ditzakeen espazioak probatzeko. Ura biltegiratzen duten elementuen instalazioan oinarritutako set eszeniko baten diseinutik abiatuta, erritualaren praktikan murgilduko da Sibina, eta ikerketa eta esperientzia lagungarriak izango dira egoera lurtarrago batetik egoera urtarrago batera aldatzeko eta, azkenean, aireko egoera espiritual batera iristeko. Ahotsaren gorputzak uraren gorputzen barruan egiten dituen mugimenduen eraldaketaren bidez, proiektuak hainbat kantu espiritual editatzea du xede, praktika eszeniko erritualetan ikerketa-prozesuaren bidez sortzen den soinu-dokumentaziotik abiatuta.