Precious Plastic taburete baten diseinua

Summerlab 2021

Lantegi eta aurkezpen honetan, Precious Plastic eta berau dinamizatzen duen tokiko lantaldea ezagutuko ditugu eta, honez gain, taburete baten diseinua eta Precious Plastic makinekin haren pieza batzuk egingo ditugu. Lantegiak ekimena osatzen duten faseak ezagutzeko balioko du, plastikoak sailkatu eta hautatzetik hasi, urtu, estrusionatu eta moldeatu arte, baina, batez ere, topaketa hau etorkizunean proiektuaren garapenean parte hartu nahi duten pertsonei dei egitek helburua du.

Precious Plastic kutsadura plastikoari konponbidea aurkitzeko lan egiten duen komunitate globala da eta helburu honetarako beharrezkoak diren ezagutza, teknika eta tresnak modu ireki eta doakoan partekatuz egiten dituzte. Proiektua plastikoa bere berrerabilerarako erabili ahal izateko lanerako gune eta makinak sortzean datza eta tresna hauen artean, besteak beste, plastiko tixikitzaileak, injektoreak edo labeak daude. Medialaben, erabiltzaile-talde batek makina horietako hiru eraiki ditu, eta honen inguruko lan-talde batek plastikoak birziklatzen eta horietatik abiatuta objektu berriak sortzen ikertzen du astero.