Datuak ekoizteko tailerra, Donostiako eta Euskadiko eskola-segregazioa aztertzeko

Euskadiko hezkuntzarekin zerikusia duten hainbat datu-base aztertuko ditugu Data Commons Lab talde irekieraren baitan antolatutako lantegi honetan; zehazki, eskola-segregazioa, baina baita beste gai batzuk ere.

Hau da eskola-segregazioaren definizioa: “Eskolak garrantzi handia du ekitate eta kohesio sozialean. Eskolak ezin baditu ikasleak hezi ezaugarri pertsonal eta sozial desberdinak dituzten pertsonen elkarbizitzaren bitartez, desberdinkeriaren faktore bihurtzen da, eta hortaz, desberdinkeriak erreproduzitu ez ezik, legitimatu eta sustatu egiten ditu. Eskola-segregazioa fenomeno bat da, zeinaren bitartez ikasleak beren ezaugarri batzuen arabera bereizten baitira eskoletan; horrenbestez, hein handi batean benetako berdintasuna lortzea saihesten duten eta desberdinkeria soziala sortzen duten faktoreetako bat da. Eskola-segregazioak, beraz, bazterkeria eta desintegrazio soziala sustatzen ditu, dela familien egoera sozioekonomikoagatik, dela ikaslearen jaioterriagatik, talde etniko-kultural bateko kide izateagatik edo, are, aurretik izan duen errendimendu akademikoagatik”. (Murillo eta Martínez-Garrido, 2018).